فنون ورياضة

حسين فالح : ” طلع كل الي بداخلك من موهبة”

أسمي حسين فالح عمري  28سنة، عندي بكالوريوس التربية البدنية وعلوم الرياضة من جامعة بغداد، واني لاعب كرة سلة، ورسام ونحات بالفطرة من الصغر، جنت ارسم بالرصاص فقط، بس طورت موهبتي سنة 2015 بعد ما اكتشفت امكانيتي بالرسم وقدرتي على تحويل أي شيء تقريبا لمادة من أجل رسم اللوحات الفنية منها الرسم بالدبس، والراشي، والملح، والشعر!

اما النحت فأني انحت على الفواكه وكانت تجربتي بسيطة بالأول بس نجحت، لهذا طورتها ولاقت اعجاب الالف عبر مواقع التواصل الاجتماعي.

اما فكرة الرسم بالشعر والي هواية ناس عرفوني بيها فجتني اثناء تنظيف مكان عملي، تخيلت لوحة من الشعر على أرضية المحل فحبيت اطبقها وفعلا طبقتها ووقعت بحب هذا النوع من الفن، لأنه مميز، وغريب، ومتجدد، واصبح اقرب شي لقلبي وقلب كل الي يتابعني.

على مستوى مهنتي احلم يكون عندي مركز رجالي متكامل من كل الأشياء، اما على المستوى الشخصي اتمنى رسماتي البسيطة توصل لكل العالم حتى ارفع اسم العراق واوصل صورة ايجابية عن الشاب العراقي..

ولأن الشجرة المثمرة ترمى بالحجارة.. هواية محبطين يحاولون يقللون من قيمة الي اسوي، لكن بثقتي بنفسي كدرت اتجاوزهم وخليت كلامهم يكون دافع حتى استمر بفعل الشي الي احبه..

رسالتي لكل الشباب: طلع كل الي بداخلك من موهبة.. ابدع، وابتكر، ولا تخاف انت كدها استثمر افكارك..

عراقيات

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى