اسمي أم حيدر من أهالي بابل، أبيع خضرة . .

عندي 9 أطفال، ستة منهم بالمدرسة، أبوهم مريض بي شايل مرارته وما يقدر يشتغل، أني اشتغل ببداله. أطلع من الصبح أتسوك من العلوة وأرجع أبيعه، أحصل باليوم إذا بعت كل الخضرة عشرين ألف، بس مرات ما تنباع بالكامل.

حتى لو مريضة لازم أطلع وأشتغل، لأن أطفالي بالمدرسة ويحتاجون مصرف، وخصوصا بنتي الجبيرة بالسادس علمي كلش شاطرة وكل سنة تطلع الأولى، تريد مني مصرف كل يوم 3 آلاف كراوي لأن تصعد بالكيا.

الدنيا صعبة والحكومة كل شي ما محصلين، المفروض تتفقد العوائل الفقيرة وتساعدها، أبسط شي راتب العاطلين عن العمل رغم احنا مستحقين نستلمه لكن ما شملونا بي.

 م/ أرفع صوتك